THOUSANDS OF FREE BLOGGER TEMPLATES

லட்சியம்..!

எனக்கும்... 
சில நேரங்களில்
லட்சியங்கள் தோன்றும்
பெரிய
எழுத்தாளனாகவேண்டுமென்றும்...
பெரிய 
கவிஞனாகவேண்டுமென்றும்...
என்ன செய்வது?
இதோ...
கிளம்பிவிட்டேன்...
காலையில் 
வேலைக்குபோனால் தானே
நாளைக்கு சாப்பிட முடியும்..!

வெற்றியின் விலாசம்..!

விதியென்று சோர்ந்து இராதே...
உன் பார்வையில்...
வீரம் தெரிக்கட்டும்!
மதியை மயங்க விடாதே...
உன் எண்ணத்தில்...
உறுதி இருக்கட்டும்!
மனப்போக்கில்வாழ்ந்து விடாதே...
உன் செயல்களில்ஒழுங்கு இருக்கட்டும்!
உதாரண வாழ்வுஉனதானால்...
வெற்றியின் விலாசம் நீயாவாய்!

கடைசி ஆசை...!

தாத்தா காலந்தொட்டு...
நூற்றியெட்டு வயதைக் கடந்து...
தன்னைக் கடந்து செல்வோருக்கெல்லாம்
இளைப்பாறுதல் கொடுத்து...
காற்றின் நாதத்திற்கும்...
ஆற்றின் தாளத்திற்கும்
தலையசைத்து, கீதம் இசைத்து...
பள்ளிக் குழந்தைகளின்
விளையாட்டுக் களமாகி...
பறவைகளின் உறைவிடமாகி...
விழுதுகளால் -தன் உறுதியினை
பறை சாற்றியஆலமரம்!
புதிய தொழிற்சாலைகட்டுவதற்காக...
வெட்டப்படும் வேளையில்...
தனது கடைசி வேண்டுகோளை
தெரிவித்தது!
"மனிதா!

சுற்றுச்சூழலைகாப்பாற்று!"

மனிதன் மட்டும்...

*கூவும் குயில்கள்
பாராட்டிற்காக
பரிதவிப்பதில்லை...
*பொழியும் மேகம்
புகழுக்காக
ஏங்குவதில்லை...
*இரவும் பகலும் 
எந்தப் பலனும்
பார்ப்பதில்லை...
*அலையும் கடலும்
கடமையைச்செய்ய
வருந்துவதில்லை...
*தாவர வகைகள்
தம் உழைப்பிற்கு
விருதுகள்தேடுவதில்லை...
*ஆனால்...
மனிதன் மட்டும்
எதிர் பார்ப்பின்றி 
எதையும் செய்ய
முயல்வதில்லை...

"வாழ்க்கை வசப்படும்...!"

புன்னகைத்துப் பார்...
பூமி வசப்படும்!
முயற்சித்துப் பார்...
வானம் வசப்படும்!
காதலித்துப் பார்...
கவிதை வசப்படும்!
துணிந்து பார்...
வெற்றி வசப்படும்!
வாழ்ந்து பார்...
வாழ்க்கை வசப்படும்!

உறுதி..!

பாறையில் உறுதியிருந்தால்தான்...
மலைகளுக்குப் பெருமை!
மனதில் உறுதியிருந்தால்தான்...
மனிதனுக்குப் பெருமை!

காத்து இருப்பது..?

உனது முயற்சிக்கு
வாய்ப்புகள் காத்திருக்கு..!
உனது வெற்றிக்கு
லட்சியங்கள் காத்திருக்கு..!
உனது சாதனைக்கு
மாலைகள் காத்திருக்கு..!
உனது உழைப்பிற்கு
சரித்திரம் காத்திருக்கு..!
இருந்தும் - நீ!
எதற்காக “காத்து” இருக்கிறாய்
சோம்பலை தகர்த்தெறியாமல்

காப்பாற்று..!


சுவாசிக்கும் காற்று
அசுத்தம் ஆனது
குடிக்கும் நீரும்
அசுத்தம் ஆனது
உண்ணும் உணவும்
இருக்கும் நிலம்
இயல்பு மாறியது
நஞ்சு ஆனது
ஓசோன் மண்டலம்
ஓட்டையானது
மனிதா!
எல்லாம் உன் சுயநலத்தால்
இனியேனும்
பொதுநல நோக்கோடு
செயல்படு
மாசுபட்டு
அழிந்து வரும்
இயற்கை வளங்களை
காப்பாற்று!

முயற்சி!

மீண்டும் மீண்டும்
பூப்பதால்தான்
செடிகளும்...
புத்துணர்ச்சி
பெறுகின்றன!

வெட்ட வெட்ட
தழைப்பதனால்தான்
மரங்களும்...
விருட்சங்களாகின்றன!

இரவும் பகலும்
மாறி மாறி வருவதால்தான்...
நாட்களும்...
இனிமையாகின்றன!

வெற்றியிலும்,தோல்வியிலும்
முயற்சியினை தொடரும்
மனிதன்தான்...
சாதனையாளன் ஆகிறான்